Mipasiugda ang Committee on Suffrage and Electoral Reforms sa una nga deliberasyon alang sa HB no. 06799, usa ka balaodnon nga giduso ni Cagayan de Oro 1st District Cong. Lordan Suan.
Sigon ni Assistant District Director Bert Amplayo, tuyo ni Suan nga mapatuman ang Article II, Section 26 sa 1987 Constitution batok sa political dynasties.
Dugang pa ni Amplayo nga kini nga balaodnon magadili sa pagpanunod sa pwesto sa mga paryente diin kini mo langkob sa ika upat nga degree sa kadugo nga kaparyentihan, ingon man magahatag sa gahum nganha sa COMELEC sa pagbasura sa mga kandidato nga kaparte sa mga dinastiya.
Nagtuo matud pa si Suan nga pinaagi niini ma angkon ang patas nga kahigayonan alang sa tanan nga gustong mag serbisyo sa katawhan, butang nga makapalig-un sa pundasyon alang sa limpyo ug matarong nga pangagamhanan sa nasud.