Cebu City – Gihagit ni Cebu Governor Gwendolyn “Gwen” Garcia ang iyang mga kritiko sa gipatuman nga pagsul-ob sa air purifiers alang sa workers sa air-conditioned environment nga modagan sa pagka gobernador.
Matod ni Garcia nga iyang ipadayon ang iyang gituuhan nga sakto alang sa probinsya.
“If you have ideas, run for governor,” hagit ni Garcia, sa interview human sa Caravan of Provincial Government Services sa Lungsod sa Moalboal, Huwebes, September 16,2021.
“Maybe the people might choose you, and then that time if you are governor…then implement your own policies,” dugang ni Garcia.
Isip elected official kinsa gipili sa milyon ka mga Sugboanon, sigon pa ni Garcia nga iyang barugan ang iyang desisyon.
” I am the one who has the mandate. You may have your ideas but your were not elected. You were not choses by the people. This is my responsibility. Kamo nga mo insister sa inyong idea, maayo mo kay inyong responsibilidad inyo ra’ng kaugalingon tingali inyong pamilya. Ako, milyon nga mga Cebuanos. So, I have the mandate ang i’ll take my responsibility for my decisions,” mensahi ni Garcia.
Gipasabot sa gobernador nga ang pagsul-ob ug air-purifiers magsilbi nga dugang proteksyon, gawas sa pagsul-ob ug face mask, batok sa Covid-19.
Iyang gipahibaw nga ang Department of Labor and Employment (DOLE) mipagawas na sa ilang position labot sa maong hisgutanan, ug nagkanayon nga wala kini gidili ang pag gamit ug air-purifiers.
Kahinumduman nga si Garcia miluwat ug Executive Order 41 niadtong September 7, 2021, nga nag require sa tanang empleyado nga nag operate sa air-conditioned establishments nga mosul-ob ug face mask ug air-purifiers sa tanang higayon.
(Source: Cebu Provincial Government, photo courtesy of Sugbo.ph)