Davao Occidental – Gumikan sa kagutom ug kalisod sa bukid maoy nagtukmod sa usa ka miyembro sa rebeldeng New People’s Army (NPA) nga mosurrender sa kapolisan ug mubalik sa sabakan sa kagamahanan.
Giila ang misurender nga si Alyas Jay-jay nga taga Sitio Proper, Barangay Culaman, Jose Abad Santos, Davao occidental. Si Alyas jay-jay misurender ngadto sa mga ginsakpan sa Revitalized Pulis Sa Barangay (RPSB) nga gipangunahan sa Team Leader nga si PLT. Billy Burgos atol sa gipahihayon nga joint operation didto sa Barangay Tabayon, Jose Abad Santos, Davao Occidental.
Lakip sa gisurender usab ni Alyas Jay-jay ang usa ka US Carbine .30cal M1, duha ka mga magazine, mga bala, usa ka improvised M203 grenade launcher ug usa ka 40mm high explosive.
Giangkon usab niini nga naka-amgo na siya nga sayop ang iyang pag-abin sa mga komunistang teroristang grupo nga nakibatok sa gobyerno diin gipatigbabaw ang ilang sayop nga idolohiya.
(Source: PIO-PRO 11)