Misamis Oriental – ANDAM nga ipahunong ni Governor Peter “Sr. Pedro” Unabia ang mga poultry owners karong bulan sa Disyembre kon ugaling dili makatuman sa ilang responsibilidad sa komunidad.
Kini ang unod sa mensahe sa gobernador human gitigom niini ang mga poultry owners atol sa Poultry Stakeholders Consultative Meeting.
Nasuta nga aduna gihapon problema sa langaw sa mga lungsod sa Libertad, Alubijid, El Salvador City ug uban pa.
Bisan paman dako ang kontribusyon sa poultry industry sa pagpalambo sa ekonomiya sa probinsya apan lakip gilantaw sa gobernador ang panglawas sa mga Misamisnon busa hugot ang pagpangihusog niini nga masulbad kini.
Atol sa kalihokan, gipaambit usab sa mga poultry owners/managers gikan sa Asonhuat Farm ug GAMA Foods Corporation ang ilang mga best practices nga nakahatag og ideya nga magamit sa ubang mga poultry owners.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda sa gobernador letrang P kon Participatory Governance ug letrang U kon Unified efforts for Health and Social Services Delivery.
News and photo by Mis. Or. PIO