Gibutyag ni Gov. Victor J. Yu nga iyang ibubo sa DepEd Pagadian City Division ang gihatag nga P100-M nga budget gikan kang Speaker Martin Romualdez para sa Zamboanga del Sur, kini atol sa Induction Ceremony sa mga bag-ong officers sa Federated Parent-Teacher Association sa dakbayan adlawng Biernes, Oktubre 4, 2024.
Malipayong gipahibalo sa gobernador nga pagagamiton ang maong pondo alang sa pagtukod og mga eskwelahan tungod kay dako pa ang kakulangon sa classrooms dinhi sa Pagadian City.
Sumala ni Gov. Yu nga posibleng mapahimuslan na ang maong pondo sa sunod tuig ug makatabang sa paglambo sa edukasyon sa Pagadian City.
Samtang gipahayag usab sa gobernador nga adunay susamang pondo ang 1st District ug 2nd District ilawom sa pagdumala ni Cong. Divina Yu ug Cong. Victoria Yu.
Tungod niini, nagpasalamat si Schools Division Superintendent Dr. Danny Cordova sa maong balita ni Gov. Yu lakip na ang mga principals, PTA presidents ug FPTA officers nga nitambong sa maong seremonya.
Gawas sa maong mehoras ug inisyatiba, nagpadayon pa gihapon ang makanunayong pagtagad ni Gov. Yu sa education sector sa probinsya pinaagi sa pag-establisar og libreng Victory Wi-fi, paghatag og gadgets ug smart TV ug pagsuporta sa mga kalihukan sa Department of Education.
(Source: Victory Zamboanga del Sur Facebook page)