Davao de Oro – Gipanguluhan mismo ni Gov. Jayvee Tyron Uy ang kapin kon kulang 100 IP Leaders, Provincial Officials, ug Private Partners sa pagpananom og kahoy diha sa Mainit Protected Landscape sa Nabunturan atol sa usa ka adlawng selebrasyon sa Allaw ng Kalumonan-IP Day.
Karong tuiga ang Davao de Oro nagselebrar sa “Allaw ng Kalumonan-Indigenous Peoples’ Day” ilalom sa temang “Pagpalig-on sa Yutang Kabilin, Kinaiyahan Atong Protektahan, Saulogon ta Allaw ng Kalumonan” diin highlight event sa selebrasyon ang “Tree Planting and Nurturing Activity” diha sa Mainit Protected Landscape nga gipanguluhan mismo ni Gov. Tyron Uy ug mga kauban nga sila Provincial IPMR BM Albert Camana, Provincial Tribal Council Chair Datu Felipe Masambo, NCIP Provincial Officer Julius Mabini, BM Joseph Jaoud, ug ang Davao de Oro Capitol Trailblazers.
Ang “Tree Planting and Nurturing Activity” apil sa nahaunang mga paningkamot sa probinsya nga mapalambo ang tourism potential sa “Mainit Hot Springs Protected Land Scape” pinaagi sa paghimo niining “Davao De Oro Wellness and Adventure Park” nga natahasang mangamot ang “Davao De Oro Wellness and Adventure Park Development Committee (DDO-WAPD DevCom)” nga gimugna sa milabayng tuig ni Gov. Tyron Uy ilalom sa Executive Order (EO) no.0053-2020.
Dumalahon ang “Davao De Oro Wellness and Adventure Park Development Committee” segon sa gipagulang EO nila ni Gov. Tyron Uy-Chair Person ug DENR PENRO Chamberlain Babiera.
Naa sa kapin kon kulang 3,000 ka ektarya ang kinatibuk-ang gilapdon sa “Mainit Hot Springs Protected Landscape” nga kon ugaling ma develop gilaoman nga mamahimong usa sa mga labing sikat ug paboritong laaganan tungod abunda sa nindot nga mga hot springs, mga busay, langob, ug uban pang gitipigang mga bahandi sa kinaiyahan.
Unang hunat sa Development matud ni Supervising Tourism Officer Kristine Dompor ang padayong Road Concreting ug pagpananom og kahoy sa 2.4 KM Riverbanks, ug ang pag develop sa mga bungtod nga abunda sa limpyong tubig mainom apil na niini ang Mt. Angelo nga gituhoang usa sa mga labing gamay nga bukid sa kalibutan.
(Gilbert M. Cabahug PAO-ID DDO, photo courtesy by R.Alvarez | (Michael Manguhig, RPN DXKT Davao OIC)