CAGAYAN DE ORO CITY- Usa ka establisemento sa dakbayan sa Cagayan de Oro nagtanyag akomodasyon nga 15 ka mga rooms alang sa medical personnel sa Northern Mindanao Medical Center (NMMC) ug JR Borja General Hospital sa discounted rate lamang, segun sa gibutyag ni City Tourism Chedilyn Aissa Dulguime, ang humanitarian assistance cluster head. Matud niya ang duha na ka tambalanan ang magbuot sa 15 ka mga lawak nga gi-provide sa maong establisemento.
Kini nga arrangement, usa ka room, usa ka tawo. Ilang ipalabi kadtong magduty sa hapon o night shift nga maglisod sa pagbiyahe tungod sa curfew, kini dili sab himuong libre na lamang kay magamit man sa suga ug tubig sa pagpuyo sa maong establisemento.
Ang City Government pinaagi sa ilang humanitarian assistance cluster nagsugod na sa ilang Project Hope, usa ka initiatiba nga mangita sila sa hotel accommodation establishments nga makahatag sa sleeping quarters ngadto sa mga frontliners apan ubos ra ang bayranan. Sa pikas bahin, ang maong grupo andam usab modawat sa donasyon nga motabang sa mga frontliners.