Nasungkit sa Cagayan de Oro City College, kanhi Cagayan de Oro Technical Vocational Institute (CDO TVI), ang gold medal sa carpentry category sa bag-ohay lang gipahigayong TESDA (MisOr) Provincial Skills Competition 2023 nga gisalmotan sa 11 ka mga institutions sa probinsya sa Misamis Oriental.
Nakuha ni Angelo Dugaduga, representante sa CDO College, ang gold medal ubos sa pagbansay ni Mr. Iriel Ansay, nga usa sa mga trainor usab sa maong tunghaan.
Nag-una usab sa pagpakita sa kahanas ang SPARK program sa CDO City College, diin gipakita niini ang AI technology nga puno og pagtulon-ang exhibit.
Lakip sa competition ang Fashion Technology, Electrical Installations, Cooking, Automobile Technology, Carpentry ug daghan pa.
Mipakita usab sa ilang kahanas ang Housekeeping NC II trainees pinaagi sa rustic-themed hotel room display ug bed set-up competition isip kabahin sa rekisitos sa maong tunghaan.
Misaksi sa maong kompetisyon ang officer in charge sa CDO City College nga si Ms. Maria Victoria Trinidad kinsa mao usab ang gitahasan ni Mayor Rolando “Klarex” Uy nga mopaambit sa iyang mensahe.
(News and photo courtesy of CIO CDO)