Gutgutiguten ni Gob. Mathew Marcos Manotoc dagiti kailian nga itultuloy ti agmula iti marunggay kadagiti bukod nga arubayan.
Segun iti gobernador, napintas iti mula a marunggay gapu ta adu ti maited na a benepisio iti salun-at ti maysa a tao.
Segun pay iti gobernador, napigsa pay a panglaban daytoy iti aniaman a sakit kangrunaanna iti novel corona virus disease.
Daytoy ket paset pay laeng iti panangsupurta ti gobernador iti immunan a tignay iti gobierno ti ciudad ti Laoag a panagmula ti marunggay kadagiti nagduduma a barangay
Maipalagip nga inyuswat ti Laoag iti Marunggay festival a nakipartisiparan dagiti nagduduma a punong barangays ken opisiales pakairamanan dagiti kameng ti sangguniang panglunsod.
Ti Maruggay Festival iti Laoag city ket nagutigut da iti Imeelunggay project ni sigud a gobernador nga itan senador Imee Marcos.
Nagapela manen ti gobernador a nasken a pasantaken ken paberdien ti aglawlaw kas maiyataday metten iti programana a Narimat nga aglawlaw. (Cita Macalipis, RPN DZRL Batac Correspondent)
 (Source: Provincial Government of Ilocos Norte – Communications & Media Office)