Ang mga kapolisan sa Dipolog City Police Station gahimo sa gihapon ug hiniusang imbestigasyon nahitabong pagpanglungkab sa City Central Shopping Center nga ang tagdumala ug tag- iya niini nga si Joan Go, 36 anyos ang panuigon nga nanimuyo sa Central Barangay Quezon Avenue, Dipolog City.
Matud pa sa taho sa mga kapolisan, nakadawat sila ug report mga ala 1:00 na sa kahapunon.Ug ang maong pangpanglung nahibaw an sa mga tagtungod mga alas 8 na sa buntag karong adlawa.Mayo 09,2024.
Si Rogen Flores, 24 anyos driver sa maong establishemento ang midali pag taho ngadto sa buhatan sa kapulisan nga gilungkab sa wala pa masota nga suspek ang ilahang establishemento nga giguba ang roll-up door ug namatikdan nila nga ang cash counter drawer ang wala na sa iyahang nahimutangan nga lugar ug ang ubang mga gamit nagkalat na lamang sa ubos.
Ang Dipolog City Police Station ug ang Zamboanga Del Norte Forensic Unit nagkahiusa sa hinanaling imbestigasyon mahitungod na sa insidente.
Sa gihimong inventoryo nakuha ang usa ka unit sa cellphone nga nagkantidad sa 10 mil kapesos ug gikuha usab ang kwarta nga anaa sa sulod counter drawer 100, 000.00 pesos kapin kung kulang.Matud pa ni Police Lt. Col. Edwin Verzon, ang Hepe sa Dipolog City Police Station sa panahon nga manirado na ang maong tindahan ila diay kining palungon ang CCTV,hinungdan nga wa gayud makita sa ilang CCTV cam ang mga suspetsado.Sa pagkakaron, nangayo na sila ug kopya sa mga CCTV footage sa tapad nga establishmento sa maong pamaagi makakuha sila ug impormasyon ug makita unsang mga orasaha nahitabo ang pagpanglungkab.
Saysay pa sa gwardiya sa tapad nga establishmento iyang nabantayan nga adunay mga batan-on nga iyang nasigpatan sa maong dapit nga ga saboy² ayha nahitabo ang pagpanglungkab. (Angelica T. Obina)
(Source: Dipolog CPS)