Gierran binigyan ng ultimatum para linisin ang PhilHealth

Tiwala si Presidential Spokesman Atty. Harry Roque na mapoprotektahan ng PhilHealth ang kontribusyon ng mga miyembro nito kung tuluyan nang bubuwagin ang ahensiya.

Ito ang naging reaksyon ni Roque matapos na bigyan ng ultimatum ni Pang. Rodrigo si PhilHealth President Dante Gierran para tapusin ang katiwalian sa ahensiya.

Sinabi ni Roque, makatitiyak ang mga miyembro ng PhilHealth na ligtas ang kanilang kontribusyon kapag ini-reorganize na ang PhilHealth.

Aniya, kumpiyansa pa rin naman siya na mayroon pa rin namang matino mula sa hanay ng PhilHealth.

Matatandaang, binigyan ni Pang. Duterte si Gierran ng taning na hanggang Disyembre para tapusin ang katiwalian sa PhilHealth, at bubuwagin niya ito sa oras na mabigo ang PhilHealth President.