Arestado sa mga tinugyanan sa kapulisan sa pagpanguna ni PLT. Bassel Monteroso ang suspetsadong layaki nga kanhi rebelde. Kini human namusil kagahapong adlawa didto sa Purok 1, Brgy. Togbongon, Surigao City sa alas 9:40 ang takna sa gabie.
Ang suspetsado mao si Vincent “Intig” Posadas Balantucad, 26 anyos, kanhi rebelde, menyo samtang ang complainant mao si ROEL ALVARADO RUAZA, 35 anyos, self employed, parehong residente sa nahisgutang lugar.
Sa imbestigasyon ni PSSgt. Joen Zabala nasayran nga pasado alas 9:40 ang takna sa gabie samtang nag selebrar nan ika-18 na birthday ang anak ni Roel sa gawas nan ila bayay kaiban ang mga silingan ug mga parenti ang kalit ni abot ang suspetsado sakay sa ija motorsiklo Honda Beat nga may plate no. 7169 IA dajun ni singit nga “PROBLIMA BAJA AKO DINHI SA IJO WEKS” ug nibunot sa ija armas gikan sa ija hawak ug giinggansa pataas.
Nag-inilogay pa sila duha sa armas nga diin nakapabuto ka isa pa ubos nga miresulta na pingsan sa paa ug bitiis ang suspetsado hangtod nakuha ra ang armas gikan sa ija possession. Human sa insidente ang dali tagdaya sa Caraga Regional Hospital si Intig pero human sa pagpatambay ang gideretso sa kustodiya sa Surigao City Police Station.
Narekober sa crime scene ang isa ka fired cartridge case, isa ka unit nga Caliber .45 Caspian na papas an serial number, isa ka kapsula sa bala sanan isa ka magazine nga may duha ka bala. Tagdaya sab ang mga ebedensiya para na sa paraffin and ballastic examination.
Mag atubang sa kasong ATTEMPTED HOMICIDE sanan RA 10591 kon Illegal Possession of firearms ang suspetsado. (Mark James Lisondra, Ronda 21 RPN DXKS)