Giadtohan ni Governor Kaka Bag-ao ang mismong site sa sunog sa Barangay Aurelio, San Jose kauban ang mga department head sa Provincial Government aron malantaw ang sitwasyon ug mahibal-an kung unsa ang mamahimong ihatag nga tabang sa mga nawad-an ug balay. Mga empleyado ug job order worker sa Kapitolyo ang pipila sa mga nasunugan.
Tibuok pwersa sa Kapitolyo ang giuban ni Gov. Kaka aron maistorya dayon ug matabangan ang mga apektadong lumulupyo. Kauban niya sila Board Member Noli Abis, Provincial Administrator Aimee Jimeno, Chief of Staff Josel Gonzales, Provincial Social Welfare and Development Officer Zeny Escopete, Provincial Community Affairs Officer Jay Benitez, Provincial Disaster Risk Reduction and Management Officer Rosario Roxas-Alon, Provincial Information Officer Jeff Crisostomo, Provincial Assessor Jopher Tarre, ug Provincial General Services Officer Angela Elago.
Mismong si Gov. Kaka ang nangatubang sa mga lumulupyo ug naglista sa mga pangalan sa mga nasunugan alang sa pag-profile sa ila aron mahibal-an kung unsa nga tabang ang ilang gikinahanglan. Giuban niya sila sa duol nga balay aron ma-isturya ug mahatagan ug pagkaon. Naglatag si Gov. Kaka ug mando sa department heads nga siguro-on nga mahatag dayon ang panginahanglanon sa mga pamilya ug i-assess kung unsa ang uban pang kasunod nga tabang ang mamahimong ihatag sa Provincial Government. Samtang naa sa panagpulong, gihatagan sila ug mga hygiene kit, food items kauban ang bugas, ug financial assistance.
Gipabalik ni Gov. Kaka ang Bureau of Fire Protection (BFP) sa site ug giingnan sila nga dili usa molakaw dayon kung aduna pay aso. Para sa iya, bisag ingnon nga wala nay kalayo, mahalaga ang presensya sa BFP dili lang sa pagtubag kung adunay mahitabong sunog sa pag-usab, apan alang sa pag-siguro sa hapsay nga paminaw sa mga lumulupyo nga apektado ug sa ilang mga silingan.
Naghatag usab ug mando si Gov. Kaka sa Philippine National Police nga butangan ug kordon ang palibot sa apektado nga lugar aron adunay insakto ug dili pa modaghan ang mga tawo nga makasimhot sa aso nga makaapekto sa ilang panglawas.
Padayon sa pakigkontak ang nagkalain-laing opisina sa Provincial Government sa mga apektadong pamilya aron maatiman ang ilang kaayuhan bisan nawala ang ilang balay ug negosyo.
Wala usab molakaw si Gov. Kaka samtang wala niya mahibal-i gikan sa matag pamilya kung aduna ba silay mapuy-an human sa nahitabo.