Nanghinaot ang UP-based analytics group nga OCTA Research nga magpadayon pa ang natala nga “flat reproduction rate” sa Covid-19 cases sa General Santos City ug uban pang highly urbanized city.
Sa pakighinabi, gisaysay ni Dr. Guido David nga ilahang nakitan usab ang significant downward movement sa mga natala nga kaso og mga bagong natakbuyan sa coronavirus infections sa miaging mga semana.
Subay sa datus sa OCTA, anaa na lamang sa 1.02 percent ang reproduction rate sa GenSan.
Lakip sa nakitang hinungdan sa research group sa maayong datus ang mas epektibong contract tracing, treatment and management sa Covid-19 cases ug vaccination effort sa LGU. (John Rey Somido)