General Santos City – Aron sa pag-ila sa kamahinungdanon sa General Santos City Hymn isip usa ka simbolo sa civic pride, bu-ot karon ni GenSan City Councilor Virgie Llido nga himo-an kini og opisyal nga dance step o sayaw.
Kana karon ang unod sa giduso nga Ordinansa sa maong konsehal, ubos sa iyang gisugyot nga ordinansa, ang LGU Dance Troupe gimanduan sa paghimo ug pagpalambo sa opisyal nga sayaw nga magpakita sa dato nga kultural nga kabilin, kadaiyahan, ug buhi nga espiritu sa siyudad.
Matud pa ni Llido nga sa higayon nga maaprobahan, ang opisyal nga mga lakang sa sayaw alang sa himno sa dakbayan ipasundayag kini ngadto sa mga opisyal nga kalihokan, selebrasyon, ug mga programa nga gipasiugdahan sa lokal nga kagamhanan.
Itudlo usab kini sa mga interesadong grupo sa komunidad, eskwelahan, ug indibidwal. (Giovanni Pasco)