General Santos City – Midawat og “Certificate of Appreciation” sa Sangguniang Panlungsod (SP) ning s’yudad sa Gensan tung niaging buntag, Septembre 30, 2025 si Gensan City Health Officer LALAINE CALONZO.
Kini human nakab-ot sa City Health Office (CHO) ning dakbayan ang labing una nga Red Orchid Award, usa ka prestihiyosong pag-ila nga gihatag sa Department of Health (DOH) sa mga institusyon nga malampuson nga nagpatuman ug nagpasiugda alang sa usa ka 100% nga walaβy aso nga palibot.
Ang Red Orchid Awards maoy pinakataas nga dungog ubos sa kampanya sa DOH batok sa paggamit sa tabako.
Ang awarding ceremony, nga gipahigayon sa The Farm sa Carpenter Hill sa Koronadal City, nagdala sa tema nga “The Search for the 100% Smoke-Free Environment.” Gitigom niini ang mga local government units, ospital, ug ahensya nga giila sa ilang dedikasyon sa pagtukod og mas himsog, walay tabako nga mga komunidad.
Ang pasidungog gibase sa βMPOWERβ framework sa World Health Organization (WHO), nga nagpasabot nga gamonitor sa paggamit sa tabako, pagpanalipod sa mga tawo gikan sa aso sa tabako, pagtanyag og tabang sa pag-undang, pagpahimangno mahitungod sa mga kapeligrohan sa tabako, ug daghan pang uban.
Alang sa General Santos City Health Office, ang pag-ila nagpamatuod sa iyang mga paningkamot sa estrikto nga anti-smoking campaigns, public awareness drives, pagpatuman sa mga lokal nga ordinansa, ug community partnerships nga nagtumong sa pagpanalipod sa mga residente gikan sa makadaot nga epekto sa tabako. (Rem Agdon)