General Santos: Usa ka driver gidakop sa gwardya sa usa ka kompanya sa Alabel

GENERAL SANTOS CITY – GIDAKOP sa gwardiya sa usa ka kompanya ang usa ka driver sa sakyanan nga nagahakot og pasayan. Subay sa talaan sa Alabel Police Station ang gidakop mao si Alvin Borja Cano, 30-anyos,minyo,ug taga Purok 18, Barangay Fatima.

Nitawag sa police station ang gwardiya sa Alsons nga si Rommel Calliao ug si Perlito Valdepenios nga aduna silay gidakop nga tawo. Sa pagrespondi sa pulis anaa na sa kustodiya sa mga gwardiya ang driver unya ang ilang ebidensya mao ang mga pasayan nga nakasulod sa sako, anaa sa 30 kilos ug ang kantidad mokabat sa dul-an P10,000. Gidala sa estasyon ang driver samtang ginahulat ang hukom sa kompanya kon mopasaka og kaso. ( Jun Abelo)