Malampusong mitak-op kagahpong adlawa, Hunyo 21, 2024 ang FESTEBENG FESTIVAL 2024 sa Maasim, Sarangani Province nga gisa-ulog gikan Hunyo 17 dungan sa selebrasyon sa ika-55 ka tuig nga kasumaran sa kamugnaan sa naasoy nga Munisipyo.
Mismo gayud si Malapatan Municipal Xyrex Pacquiao maoy nanguna sa pagtak-op sa maong selebrasyon dungan sa paglusad og BATTLE OF FESTIVALS nga gisalmotan sa 10 ka Barangay sa lungsod, diin maoy espesyal nga mga bisita sa naasoy nga panagtigi mao sila 8-division world boxing champion ug kanhi Senador MANNY PACQUIAO, ingon man si Sarangani Governor RUEL PACQUIAO ug Gensan Liga ng mga Barangay President BOBBY PACQUIAO.
Dungan sa pagtak-op sa FESTEBENG FESTIVAL pormal usab nga giturn-over ang P5 milyong kantidad sa completion o pag-kompleto katukoran sa Maasim Open Gymnasium ug pagturn over sa 8 ka mga pick-up RESCUE VEHICLES alang sa 8 ka Barangay sa Maasim nga nagkinahanglan sa nasampit nga mga sakyanan.
Pasi-una lamang ang maong mga sakyanan ug gikabutyag nga sunod tuig 2025 lain na sab mga bag-ong RESCUE VEHICLES ang ihatag sa LGU-Maaasim ngadto sa laing mga Barangay aron ilang magamit panahon sa bisna unsa mang klase sa emerhensiya o kalamidad. (Rem Agdon)