General Santos City –Â Mabulokon ug puno sa katam-is ang Pasko sa General Santos City human sa malampusong Ceremonial Lighting sa makolor ug gasidlak-sidlak nga mga suga sa Plaza Heneral ug atubangan sa Gensan City Hall nga opisyal gipasiga niadtong nakalabay’ng gabii.
Si Mayor Lorelie Geronimo Pacquiao maoy nangulo sa seremonyas nga gitambungan usab nila ni First Gentleman ug Liga ng mga Barangay (LNB) President Bobby Pacquiao, City Administrator Shandee Llido-Pestaño, mga sakop sa Sangguniang Panlungsod, ug Michael Pacquiao.
Ang Plaza misidlak sa mabulukon nga mga dekorasyon nga nagpakita sa tema sa “Kalipay sa Pasko ug Kalipay,” nga giinspirar sa Pasko sa Candyland. Adunay mga higanteng candy cane, lollipop figures, higanteng tuna, ug mabulukon nga heart lantern. Dugang pa, ang Giant Parol, 3D Mapping, ug mga suga sa Pasko nagdala og kalipay sa palibot.
Sa iyang mensahe, gipasiugda ni Mayor Pacquiao ang tinuod nga diwa sa Pasko— panaghiusa, gugma, ug paghatag. Matud pa niya, kini ang panahon sa paghinumdom ug pag-amuma sa usag usa, ug pagpahinumdom kanato nga ang gugma ug pagsabot kinahanglang maghari sa atong kinabuhi.
Agi og pasalamat, mihatag usab si Mayor Pacquiao og cash gift nga ₱10,000 sa matag-performers nga nilingaw sa okasyon. Ang maong Ceremonial Lighting nagsilbi nga opisyal nga pagsugod sa malipayong pagsaulog sa Pasko sa dakbayan, nga nagdasig sa matag Heneral sa paghimo sa umaabot nga mga tuig nga mas mabulukon ug lagsik.