karon og kasong Attempted Murder ang usa ka trabahanteng babaye sa usa ka tindahan sa National Highway, Brgy. Dadiangas East, General Santos human matud pa niini bu-ot hilo-an ang Manager sa gi-trabaho-an nga tindahan gamit ang panghilo sa uk-ok nga “Cockroach Killing powder,” nga gibutang sa tasa sa init nga tubig aron timplahan og kape.
Gi-ila sa Gensan- Police Station 1 (Pendatun PNP) ang akusada nga si alyas Gwen, anaa sa hustong edad, residente sa Purok 5, Brgy. Conel, sakop ning dakbayan sa Gensan ug gi-ila usab ang Manager sa Tindahan nga si alyas Mel, taga Koronadal City.
Nahitabo matud pa ang naasoy nga insidente ala-1:25 ang takna sa hapon ning nakalabay’ng Enero 21, 2025 sulod sa gi-trabaho-an nga Tindahan ni alyas Gwen.
Sa nahimong resulta sa pasi-unang imbestigasyon sa Pendatun PNP, gikabutyag nga bandang ala-1:20 sa hapon sa nasampit nga petsa, gisugo ang maong Tindera ni Manager Mel nga kuhaan siya og 1 ka tasa sa ninit nga tubig.
Mituman man tu-od si alyas Gwen sa gisugo ngadto kaniya, apan namatikdan sa maong Manager nga migawas sa Tindahan ang akusada aron matud pa kuha-on ang gamit niini sa iyang sakyanan ug nakita nga adunay butang nga gibubo si alyas Gwen ngadto sa tasa nga gikonpirma sa saksing si alyas Jared nga usa ka putos sa “Cockroach Killing Bait” nga pang-hilo sa uk-ok ang gisagol sa nahisgotang Tindera sa init-tubig nga nakasulod sa tasa ni Manager Mel.
Kana ang rason nga gipadakop nila sa kapulisan ang nasampit nga Tindera ug napaslak na kini karon sulod sa selda sa Pendatun PNP. Gikabutyag nga adunay personal nga kasuko ang maong trabahador ngadto sa Manager sa Tindahan sa wala pa masuta nga hinungdan.