Sikop sa gipahigayon nga buy-bust operation sa mga personahe sa kapulisan ang usa ka Job Order nga empleyado, mga alas 11:20 sa buntag, Enero 23, 2025, didto sa Biayon, Sergio Osmeña, Zamboanga del Norte.
Naila ang maong dinakpan nga usa ka 53 anyos,lalaki, minyo,usa job order employee ug nagspuyo sa Barangay Poblacion Bajo, Sergio Osmeña, Zamboanga del Norte,kinsa giila nga high-value target nga nalista sa Regional Target List.
Ang pagkasikop gihimo pinaagi sa coordinated efforts sa PDEA Zamboanga del Norte, Sergio Osmeña MPS, ug RDEU9 Zamboanga del Norte ug nasakmit ang usa ka heat-sealed transparent plastic sachet nga adunay gibana-bana nga 0.25 gramos nga shabu, lima ka dugang nga heat-sealed sachet nga adunay gibanabana nga 5.25 gramos nga shabu, ug pinaugang dahon sa marijuana nga giputos sa foil sa sigarilyo nga gibana-bana nga 1 gramo.
Laing nasakmit usab mao ang usa ka marked buy-bust money, usa ka Yamaha NMAX nga motorsiklo, usa ka basiyo sa Oreo wrapper nga gigamit isip sudlanan sa mga sachet sa shabu, ug usa ka Adidas sling bag nga adunay sulod nga marijuana.
Ang nakumpiska nga shabu gibana-bana nga mobalor sa PHP 35,700, samtang ang marijuana nagkantidad ug PHP 150.
Gidala ug gi-turn over ang mga nakumpiska nga drug items ngadto sa ZN Provincial Forensic Unit-9 alang sa qualitative ug quantitative examination.
Samtang ang dinakpan gipaubos sa kustodiya sa Sergio Osmeña MPS alang sa tukmang disposasyon. (Medalyn U. Borja)
(Source: ZNPPO)