Malungon, Sarangani Province – Ang hiniusang elemento sa Malungon PNP Station, uban sa mga personahe gikan sa PIU Sarangani, 1st Company SPMFC Sarangani, ug RID 12 Tracker Team Alpha nagpahigayon og Manhunt Charlie Operation nga miresulta sa pagkasikop ni alyas “Jay”, nalista isip Top 10 Most Wanted Person (Regional Level), sa Purok San Pedro, Brgy San Miguel, Malungon, Sarangani Province.
Si “Jay” nadakpan sa kasong Rape pinaagi sa Warrant of Arrest, naka-docket ubos sa Criminal Case No. 00791-18, gipirmahan ug giisyu ni Presiding Judge sa 11th Judicial Region, RTC Branch 46, Capitol Compound, Alabel, Sarangani Province, pinetsahan og Septiyembre 11, 2024, nga walay piyansa nga girekomendar.
Ang nadakpan nga wanted person kay tukma nga gipahibalo sa iyang Constitutional Rights sa usa ka diyalekto nga nailhan niya ug gidala sa Malungon MPS alang sa dokumentasyon ug saktong disposisyon. (Rem Agdon)
News&Graphic: SPPO