Alabel Sarangani Province – Pormal nga gi-abli sa TINGOG PARTY-LIST (Hunyo 22,2024) ang dugang usa sa ilang TINGOG CENTER dinhi sa Mindanao, partikular sa Brgy. Poblacion duol sa Public Market, Alabel, Sarangani Province.
Mismo gayud si Tingog Party-list 2nd Nominee Congressman JUDE ACIDRE maoy nanguna sa pag-abli sa naasoy nga Center kaabag ang iyang mga kaubanan sa nasampit nga hut-ong ug gisaksihan gayud kini sa daghang mga katawhan.
Butyag ni CONG. ACIDRE, kabahin unya sa mga serbisyo nga ilang ihatag ngadto sa mga Alabelians ug mga kasikbit dapit mao ang
Sumala pa kay Cong. Acidre, kabahin sa mga serbisyo nga maangkon sa TINGOG Center mao ang transportation, medical assistance, burial, educational, food, cash assistance, transportation assistance ug uban pa nga mga support services.
Sa maong higayon, anaa usab ang presensiya nila Alabel Municipal Mayor VIC PAUL SALARDA, ingon man mga representantes gikan sa buhatan ni Sarangani Governor RUEL PACQUIAO ug Sarangani lone District Congressman STEVE CHIONGBIAN SOLON.
Gikabutyagm nga ang TINGOG PARTY-LIST CENTER abli sa bisan kinsa mang indibidwal o pamilya nga nagkinahanglan sa bisan unsa mang klase sa ayuda o hinabang. (Rem Agdon)