General Santos City – Gihagit karon sa usa ka lumulupyo ug taxpayer sa GenSan nga si Lemuel Landao ang mga konsehal nga mupasang-at og TRO sa korte makapagawas og injunction aron mapugngan ang pag-award sa kapin P413 million nga Traffic Signalization and CCTV Synchronization.
Segun ni Landao nga gikatingala niini nganong gipaburan man sa SBAC ang bidder nga dako ug dili ang lowest bidder nga mas makaayo alang sa syudad.
Gihingusgan niini nga kung dili mo-file og TRO ang mga konsehal, siya mismo isip lumulupyo ug taxpayer ang maoy muduso niini.
Rason niini, mas maayo nga ang syudad ang makadaginot ug dili mogasto og dako tungod may magamitan pa sa maong pondo.
Gitino usab sa nahisgutan nga dili siya supak sa proyekto ug sa implementasyon basta wala lang anomalya nga dili ang katawhan ang mabulahan.
(Source: Sangguniang Panlalawigan GenSan Office)
