General Santos City – GIikumpirma sa Provincial Veterinary Office (ProVet) nga nagpositibo sa African Swine Fever (ASF) ang usa ka baboy sa Malapatan, Sarangani Province. Matud ni Dr.Bernard Cababat, acting head ProVet, ang kaso gikan sa Barangay Lun Padidu nga wala nakatala og kaso sa ASF sa nakalabay.
Ang finding ang base sa resulta sa laboratory tests sa blood sample nga nakuha nila sa backyard hog raiser sa lugar. “Agad-agad nagtungo kami sa area tinanong ang may-ari and then nag-conduct ng collection ng blood sample sinubmit namin sa laboratory and then pina-examine so yun it turns out na may area doon na nagpositive,” asoy ni Cababat.
Gilayon nilang gipailawom sa culling ang 39 ka buhing baboy aron mapugngan ang pagkatag sa ASF sa kasigbit nga lugar. Kasamtangan nagpadayon ang gihimong pagbantay alang sa posibleng suspected case.
2020 dihang natala ang kaso sa ASF sa pipila ka barangay sa Glan, temporaryong giundang ang pagshipment sa buhing baboy ug pork products gikan sa apektado lugar. Ang GenSan ug ubang lokalidad sa rehiyon-12 ang nagpaundang na usab sa pagbiyahe sa live hogs ug pork gikan sa mga lugar tungod sa bahad sa ASF.
(Source: Provincial Veterinary Office)