Kasamtangang gikustodiya sa Police Station 6 sa General Santos City Police Office ang usa ka ginoo human kini madakpi nga nagkatibulaag og fake news sa social media kalabot sa giingong pagkadiskubre sa bomba o IED atubangan sa usa ka mall sa maong dapit.
dakbayan sa alas 12 sa udto karong Biyernes. Giila ang suspek nga si Cresinte Nalugon, residente sa Barangay Bula ning dakbayan kinsa nasikop pipila lang ka oras ang nakalabay dihang nikatap ang maong post sa social media.
“Bomba is positive pls to all those who are shopping today be aware,” caption sa suspek sa iyang live video diin nakadawat siya og nagkadaiyang reaksyon gikan sa netizens ug sa publiko.
Matod ni Police Captain Ari Noel Cardos, kasong kalapasan sa PD 1727 o Anti Bomb Joke Law ang gikatakdang ipasaka batok sa suspek. Subling gipahinumdoman sa kapolisan nga dili himuong komedya ang bomba o IED nga isyu tungod kay makahatag lang kini og kahadlok ug kalisang sa publiko.(Rey Ombana)