General Santos City – GIKONPIRMA gayud ni DR. BONG DACERA- ang kasamtangang labaw sa City Disaster Risk Reduction and Management Office (CDRRMO) ning dakbayan sa Gensan nga usa ka canister sa Ammonia- usa ka inorganic chemical ang mibusikad pasado alas-4:00 ang takna kagahapon sa hapon, Pebrero 1, 2025 sa usa ka pribadong compound sakop sa Purok 21, Brgy. Mabuhay, General Santos City.
Nakapa-alarma kaayo sa mga residente sa maong Barangay ang naasoy nga pagbusikad, hilabi na nga nakasimhot sila og makalipong nga baho sa kemikal human nadungog ang kusog nga pagbuto.
Sa maong hitabo, mikabat gayud sa 130 ka mga residente katumbas sa 486 ka indibidwal ang na-apektohan sa nahisgotang insidente, diin ang uban matud pa kanila nagsuka’g dugo ug gilayong nangaluya.
Dali nga mirespondi ang mga tauhan sa BLGU-Mabuhay ug ang pamuno-an sa LGU-Gensan pinaagi sa paghatag og libreng plastic bottled water, face mask, pagka-on ug libreng medical check-up.
Hinuon, sagad sa mga mibakwit nga mga lomulopyo gumikan sa maong hitabo, nama-uli na sa ilang tagsa-tagsa ka panimalay human sila gitugtan ni Gensan CDRRMO Head, DR. BONG DACERA. (Rem Agdon)
News&Photos: BLGU-Mabuhay/CMO
See insights