Nakitaan og taas nga fecal coliform ang kadagatan sa GenSan partikular sa Lions beach kun Queen tuna park sa Barangay Dadiangas South.
Kini base sa regular monitoring sa Department of Environment and Natural Resources- Environmental Management Bureau kun DENR-EMB-12 sa 27-ka beach resort sa Sarangani Bay.
Sa test result, nakita nga mas taas sa standard nga fecal coliform level ang nakita nila sa maong bahin sa Sarangani Bay.
Matud ni Engineer Omar Saikol, EMB-12 director rason niini ang presensiya sa hugaw sa tawo ug sa hayop sa tubig.
Dugang pa ni Saikol ang maong fecal coliform, moresulta usab sa pagkakuha og sakit sa tawo sama sa diarrhea.
Nakalabay’ng tuig, midonar ang EMB-12 og P500,000 alang sa probinsiya sa duha ka pansayan sa Queen tuna park.
Gibutyag kaniadto ni Allan Marcilla, labaw sa CENRO-12 ang paghimo nila og lakang sa pagbuhat og communal comfort room sa mga coastal communities aron matubag ang problema.
Niadtong 2020, migula usab sa test result ang taas nga fecal coliform sa lugar nga rason sa temporaryong pagbawal sa pagkaligo sa Lions beach.
Segun kang Saikol ang pag-monitor nila ang aron masiguro nga magpabiling luwas sa polusyon ang mga beach resorts. (John Rey Somido)