Cebu City- Nilapas na sa full bed capacity sa mga na admit nga mga pasyente ang Barili District Hospital ug infirmary sa Lungsod sa Barili gumikan sa nagsaka nga mga kaso sa typhoid fever o tipos
Gibutyag ni Dr. Johanna Lois de Leon, medical officer III sa Barili District Hospital nga 27 sa 60 ka mga pasyente ang na admit sa 25-bed hospital, na diagnose nga tipos.
Samtang gipahibaw ni Dr. Joseph Martel Mahinay, doctor sa Barili Infirmary nga duna lang silay walo ka bed capacity, apan niabot ug 14 ka mga tawo ang na admit gumikan sa tipos as of Domingo.
Matod ni Mahinay nga dunay mga pasyente nga gipang monitor nga naa sa hallway, ug dunay lima ka mga indibidwal nga gipa-ubos sa confirmatory test alang sa typhoid fever sa infirmary.
Mayoriya sa 41 ka mga kaso sa tipos kasamtangan nga na admit sa Barili District Hospital mga bata.
Nagkanayon si Mahinay nga siyam sa 14 nga kompirmado ug active nga mga kaso mga bata.
Moderate cases
Giangkon ni Mahinay nga sa tanan nga na admit nga mga pasyente moderate cases, ug gidugang niini nga ang peak sa mga kaso sa infirmary nabantayan sa miaging semana sukad nila na detect ang sakit niadtong buwan sa Marso.
Sa iyang bahin, nagkanayaon si de Leon nga tanang na admit sa mga kaso sa tipos sa district hospital naa sa stable nga condition, samtang ang uban improving ug mamahimo na unyang maka gawas.
Gihulagway ni de Leon nga matawag na ug outbreak ang sitwasyon sa Barili tungod sa gidaghanon sa mga kaso sa tipos nga nagsaka sukad niadtong buwan sa Mayo.
Gikan sa Marso 16 ngadto sa Hunyo 25, ang data gikan sa Cebu Provincial Health Office (CPHO) nagpakita nga dunay 98 ang nasakit ug tipos, ug dunay 3 ang mga nakalas gikan sa 24 sa 42 ka mga barangay sa Barili.
“Not counting pa tong uban nga wala pa gyud na-diagnosed but nagsige na og manifest og mga hybrid nga fever, mga classic symptoms gyud sa typhoid,” pahibaw ni de Leon.
Imbestigasyon
Alang ni De Leon nga naglakip sa pagkaon ug contaminated nga tubig ang hinungdan sa sakit, mao nga mimando ug imbestigasyon ang Barili Municipal Government pagsuta sa water supply sa manga lungsod.
“Siyempre mga bata dili man gyud na ingon nga punit diretso ra sud baba og unsay mapunitan. So mao gyud na akong gidudahan nga naa gyuy cause nga laganap gyud ang typhoid dinhi sa Barili,” pasabot ni De Leon.
Komon nga simtomas niini mao ang abdominal pain, diarrhea ug constipation.
Test kits
Sigon pa ni De Leon nga duna silay test kits nga maka detect sa tipos; ang maong test kits ug dugang tambal gikan sa Cebu Provincial Government.
“Atong gilikayan nga complications, kanang mag-bleeding na gyud ang iyahang gastrointestinal,” pahimangno ni De Leon.
Ang tulo ka mga pasyente nga namatay pulos nakasinati ug gastrointestinal bleeding.
l via Jhon Tadlip
Source: Barili District Hospital, Barili Infirmary
Photo: Cong. Pablo Jhon “PJ” Garcia, John-John Garcia
