- Advertisement -
Sultan Kudarat – Gipailawom na sa state of calamity ang tibuok probinsya sa Sultan Kudarat tungod sa danyos sa dry spell dala sa El Nino Phenomenon. Kini human nga giaprobahan sa Sangguniang Panlalawigan ang resolusyonnga nagdeklara ilawom sa state of calamity sa probinsya.
Segun kang Provincial Disaster Risk Reduction and Management Action Officer Lovely Joy Hallegado, subay sa inisyal nga datus, mukabat sa P97 million ang danyos sa El Nino sa crops ug kapin sa P1.8 million sa fishery ang apektado.
Pahayag ni Hallegado nga ang datus ang gikan lamang sa lima ka mga local government units nga mao ang Tacurong City, Lutayan, Esperanza, Palimbang, ug Senator Ninoy Aquino.
Samtang segun ni Hallegado nagpadayon pa ang paglibot sa RDANA team sa PDRRMO Sultan Kudarat aron nga masuta ang lain pang areas nga apektado sa hulaw.
Alayon sa resolusyon sa Sangguniang Panlalawigan sa Sultan Kudarat gilayon nga gipagula ang 5% PDRRM Fund para sa disaster response.
Sa karon segun ni Hallegado ginapreprar na nila ang interbensyon sama sa paghatag ug financial assistance, family food packs ub uban pang mga naapektuhan nga mga mag-uuma ug katawhan probinsya. (Giovanni Pasco)
- Advertisement -
