Ang Gobernador ning lalawigan sa Zamboanga del Norte nga si Governor Nanay Nene Jalosjos mupahigayon sa iyang State of the Province Address kon (SOPA) karong umaabot Lunes, sa may alas 2:00 ang takna sa hapon, Abril 22, 2024, didto sa ZN Convention and Sports Center, Dipolog City.
Ang mabulokong kalihokan gipangandaman sa Provincial Administrator ning lalawigan sa Zamboanga del Norte nga si Mr. Wilberth Magallanes, diin salmotan sa Sangguniang Panlalawigan member Vice Governor Julius Napigquit kinsa maoy mangulo sa session ug mudalit sa iyang report nga may kalabot sa kalampusan, programa sulod sa iyang termino isip usa sa nagdumala niining probinsya.
Si Gov Jalosjos,mag-tutok sa gitawag nga HEATS nga mao iyang 5-point agenda nga mao ang Health Program, Education, Sports and Environmental Protection, Agriculture Livelihood and Infrastructure, Tourism, Peace and Order ug Social Services and Skills Development.
Alayon sa maong programa ni Gov. Nanay Nene mao ang makunhuran ang problema sa malnutrisyon pinaagi sa Health Programs diin daghan sa mga katawhan ang maka benepisyo sa Social services ug kadaghanang nakasinati kagutom, kalisod sa yano ra nga pamilya, pagtutok sa panginabuhian sa Agrikultura,nga makatabang sa organikong pag-uma sa mga mag-uuma.
Dugang pa atol sa State of the Province Address sa Gobernador daghan pang mga impormasyon ang makuha sa mga katawhan nga may kalabot sa kalampusan sa mga programa niining probinsya. (Medalyn U. Borja)
(Source: Provincial Government of Zamboanga del Norte)
