General Santos City: PATAY na nga nakit-an ang usa ka edaran sulod sa iyahang panimalay sa Purok 5, Labus Block 9, Barangay Fatima. Giila kini sa kapulisan nga si Josopho Sarmiento, 65-anyos. Basi sa imbestigasyon sa Fatima Police station usa ka concern citizen ang nagpahibalo nga adunay patayng lawas ang nakaplagan sa lugar. Sa pagsuta sa kapulisan nakahandusay na sa salog ang patayng-lawas sa edaran. Gibutyag sa pamilya niini nga adunay gihambin nga balatian ang nahisgotan. Samtang wala sab nakita nga foul play ang kapulisan sa kamatayon sa senior citizen. Sa karon anaa na sa usa ka punerarya sa GenSan ang patayng lawas sa nahisgotan.