Ang hiniusang operatiba sa PDEA Cotabato Provincial Office ug Tulunan Municipal Police Station nipahigayon og Search Warrant operation sa pinuy-anan sa usa ka incumbent Barangay Kagawad sa Brgy. La Esperanza, Tulunan, Cotabato Province niadtong Mayo 27, 2022, ala 1:34 sa kaadlawon.
Giila ang suspek nga si Renan Pragados y Balmediano, 38, ulitawo, first-termer Barangay Kagawad, ug residente sa nasangpit nga address.
Nasakmit atol sa operasyon ang pito (7) ka sachet sa gituohang shabu nga motimbang og kapin o kulang 12 gramos nga gibanabana nga market value nga Php 81,600.00, nagkadaiyang drug paraphernalia, usa (1) ka unit sa kalibre .45 pistola model STI EDGE nga adunay serial number 467711, duha ( 2) kalibre .45 nga magazine, lima (5) ka bala sa kalibre .45, ug upat (4) ka basyo sa kalibre .45.
Ang suspek mag-atubang og mga kaso sa mosunod nga kalapasan: Section 11 ug 12, Article II of RA 9165, RA 10591, Disobedience of a Person in Authority ubos sa Article 151 sa The Revised Penal Code (RPC), ug Direct Assault ubos sa Article 148 of Ang RPC. Gitanggong siya sa PDEA ROXII Custodial Facility.
(PDEA Cotabato Provincial Office)