ALABEL, Sarangani- Gibutyag ni Provincial Health Officer Dr. Arvin Alejandro nga anaa na sa 95% nga andam ang Sarangani Provincial Hospital alang sa pag-operate isip level II hospital.
Atol sa mismong pagbisita ni Governor Rogelio “Ruel” Pacquiao sa maong hospital, gibutyag ni Dr. Alejandro nga kung ma-accredited na sa Level II ang SPH sa Level II nga hospital, maka-benipisyo ang mga katawhang Sarangans, tungod kay gamay na lang ang ilang ma-refer sa mga hospital sa kasigbit nga hospital sa Gensan.
Ug ma-prioritize sa serbisyo mao gyud ang mga taga Sarangani.
Daku usab ang kalipay ni Governor Pacquiao alang sa maong kalambuan sa hospital sa probinsya.
Dugang pa ni Dr. Alejandro, ang SPH ug PHO ang kumpletuhon ang maong accreditation sulod sa 100-ka adlaw nga pagpanerbisyo ni Governor Pacquiao isip gobernador.
“Ang hinihintay na lang din natin dito is the final inspection from the licensing division of the Department of Health central office,” tipik sa pamahayag ni Dr. Alejandro.
Samtang isip pagpangandam sa maong level II accreditation, gitakda nilang mo-hire og dugang mga nurses sa maong hospital sa Sarangani.
Source & Photos by : SARANGANI PROVINCIAL INFORMATION OFFICE