Sarangani Province – Malampusong gipahigayon kagahapong adlawa, Abril 22, 2025 sa Sarangani Police Provincial Office, ubos sa pagpangulo ni PCOL DEANRY R. FRANCISCO, Provincial Director, ang Showdown Inspection sa Special Electoral Boards sa Sarangani PPO alang sa National and Local Elections.
Gipahigayon kini nga aktibidad sa SPPO Grounds sa Kawas, Alabel, Sarangani Province.
Ang inspeksyon nagsiguro sa kaandam ug kapabilidad sa mga kapulisan sa Sarangani Province alang sa ilang mahinungdanong tahas sa umaabot nga proseso sa eleksyon.
Mokabat sa 100 ka Sarangani police personnel ang ipakatap isip Electoral Boards (EBs), nga nagpakita sa atong pasalig sa pagpanalipod sa integridad, seguridad, ug hapsay nga pagpahigayon sa eleksyon 2025. (Rem Agdon)
News&Photos: SPPO