General Santos City – Napulo ug unom (16) ka asosasyon sa mga mag-uuma sa upat ka probinsya sa Soccsksargen ang nakadawat sa kinatibuk-ang Php11,287,595.50 nga kantidad sa mga input sa agrikultura gikan sa Department of Agriculture 12 – Special Area for Agricultural Development (DA-SAAD) Program.
Ang mga FA nga nakabenepisyo niini nga distribution mao ang 5 ka FA sa South Cotabato, 6 ka FA sa Cotabato, 1 sa Sarangani ug 4 ka asosasyon sa Sultan Kudarat. Matag asosasyon nakadawat ug 60 ka sako sa high-breed corn seeds, 120 ka sako sa urea fertilizer, ug 60 ka sako sa complete fertilizer.
Dugang niini nga mga inputs mao ang 2 ka sako sa high-breed corn seeds, 4 ka sako sa urea fertilizer, ug 2 ka sako sa complete fertilizer nga nadawat sa matag miyembro sa asosasyon nga mikabat sa 480 ka mga mag-uuma nga benepisyaryo.