PLANONG iduso sa pagsugod sa sesyon sa konseho ang ‘reward system’ sa miyembro sa kapulisan nga nahimo og maayo sa trabaho.
Kini ang unod sa peace and task force nga planong iduso ni Konsehal Jose Edmar Yumang.
Matud ni Yumang, ilawom sa gimugnang ordinansa naka-kategorya ang paghatag og ‘reward’ nga hangtud P200,000.
“Magbibigay ng award sa mga pulis na dapat bigyan ng parangal, so siguro magbibigay sa mga magagaling at magigiting na kapulisan na nagta-trabaho bigyan natin ng P200,000, huwarang pulis maraming kategorya at mapuna rin natin ang kapulisan,” asoy ni Yumang.
Ang task force nga planong mugnaon ang langkuban sa kapulisan, National Bureau of Investigation ug ubang law enforcement unit.
Ang planong pagduso sa ordinansa ang dungan sa serye sa pagpanulis sa GenSan nga hilabihang gikabalaka sa mga residente.
Sa ulahing datus sa GenSan City Police Office (GSCPO) gikan Enero hangtud unang semana sa Hunyo 20 ka insidente sa tulis ang narekord. Una nang, gisaway ni Yumang ang kapulisan sa siyudad sa huyang nga intelligence monitoring ug gathering.(John Rey Somido).
