General Santos City – Niadtong Sabado sa hapon, si Gensan City Mayor Lorelie Geronimo Pacquiao nipahigayon sa paghatag ug pag-release sa livelihood assistance ubos sa Public Employment Service Office (PESO), diin ang SLR Senior Citizen Rural Workers Association gikan sa Barangay Apopong, General Santos City nakadawat og bugas nga adunay kinatibuk-ang kantidad nga ₱150,000.
Human niadto, si Mayor Lorelie Pacquiao ug LNB President Bobby Pacquiao, nanghatag sab og 200 ka payong alang sa senior citizens ug 50 ka monoblock chairs alang sa asosasyon.
Kini nga programa kabahin sa suporta sa administrasyon ni Mayor Lorelie Geronimo Pacquiao sa pagpalambo sa panginabuhi sa katawhan.
Pinaagi niini nga mga inisyatiba, ang administrasyon nagpadayon sa pagpasiugda sa pagpalig-on sa mga komunidad ug paghatag og ekonomikanhong suporta sa atong mga senior citizens.