- Advertisement -
General Santos City – Nanatili sa low risk classification ang General Santos City at ang natitirang bahagi ng Soccsksargen area, batay sa latest Covid-19 average daily attack rate (ADAR) na naitala sa rehiyon.
Sa bagong datus ng Department of Health, bumaba na sa 2.61 ang ADAR ng Region 12 mula October 12-25, na mas mababa kung ikukumpara sa 4.50 rating noong October 4-17 na rekord.
Base sa October 25 tracker bulletin ng Department of Health, nasa 2,241 ang aktibong kaso ng Covid infection sa Soccsksargen.
Kabilang dito ang 313 sa General Santos City, 506 sa North Cotabato, 592 sa Sarangani, 731 sa South Cotabato at 99 mula sa Sultan Kudarat.
(Source: DOH 12)
- Advertisement -
