Cebu City – Palihukon sa Land Transportation Franchising and Regulatory Board (LTFRB 7) ang mga tinugyanan niini ug ipakatap sa nagkalain-laing Bus Terminal sa Sugbo agig pangandam sa kasaulogan sa TODOS LOS SANTOS ug KALAG-KALAG.
Gibutyag ni LTFRB 7 Director (Ret.) Colonel Eduardo Montealto nga sugod karong Biyernes , October 29,2021, ipakatap sa iyang buhatan ang MONITORING TEAM aron mosusi sa kahimtang sa mga Buses nga mobyahe sa kalungsuran.
Matud ni Montealto nga kinahanglang maseguro gyod ang kaluwasan sa mga pasahero nga manguli sa tagsa-tagsa nila ka mga lugar nunot sa kasaulogan sa TODOS LOS SANTOS ug KALAG-KALAG.
Gitataw usab ni Montealto nga pakgangon gyod usab sa iyang buhatan ang pagbyahe sa depektoso nga mga public utility vehicles aron kalikayan ang disgrasya ug pahamtangan usab og multa ang hingtungdang operators nga mapamatud-ang nakalapas sa ROAD WORTHINESS POLICY.
(Source: LTFRB 7, photo courtesy by Ramil Madera)