- Advertisement -
General Santos City – Patay ang usa ka kanhing preso human kini gipusil sa wala pa mailhing mga suspek. Nahitabo ang maong insedente pasado alas 06:55 kagabie, adlawng Domingo, Marso 31, 2024 sa Purok 2 Lanton Barangay Apopong ning syudad.
Nailhan ang biktima nga si Jerry Batoto Abellanosa 51 anyos ug lumolopyo usab sa nahisgutang lugar.
Sa inisyal nga imbestigasyon sa kapulisan anaa lamang ang biktima gawas sa iyang panimalay dihang kalit nga gipusil sa makadaghang higayon sa gilingkuran niini nga miresulta sa iyang hinanaling kamatayon.
Dayong nakasibat ang suspek paingon sa wala masayring direksyon human sa maong krimen.
Padayon pa karon ang imbestigasyon sa mga kapulisan kalabutan sa maong insidente. (Giovanni Pasco)
- Advertisement -
