General Santos City – Mukabat sa Php370,600 nga kantidad sa illegal drugs ang nakumpiska sa kapulisan sa Gensan gikan sa usa ka babaye atol sa ilang gikasang anti-illegal drug buy-bust operation sa Barangay City Heights, General Santos City, niadtong Enero 11, 2024.
Ginganlan lang ni Police Captain Danny T Balofiños, Officer In-Charge sa General Santos City Police Office-Police Station 4, ang suspek ug alyas “Mae”, 24-anyos, gikonsiderang street level Individual kalabutan sa ilegal nga droga, ug residente sa Brgy. City Heights, General Santos City.
Segun kang Police Maj. Balofiños, bandang alas 6:07 sa gabii dihang nasikop ang suspek kung asa mukabat sa 16 ka sachet sa gituohang shabu nga may timbang nga 54.5 ka gramo ug may Standard Drug Price nga Php370,600, buy-bust money ug mga drug paraphernalia ang ilang nakumpiska gikan sa suspek.
Kasong kalapasan sa Sec. 5, Sec.11 ug Sec. 12 sa RA 9165 o Comprehensive Dangerous Drugs Act of 2002 ang giatubang karon sa suspek. (Jun Abelo)