General Santos City – Samtang nagpahigayon og mobile patrol ug inspeksyon alas-6:00 ang takna sa gabii ning milabay’ng adlaw sa mga destinasyon sa turista sa Maitum, Sarangani Province ang patrol team sa Maitum MPS kauban ang 2nd SPMFC, Tracker Team Foxtrot, 1204th RMFB 12 ug PIU-SPPO, usa ka nagpakabana nga lungsuranon mitawag sa atensyon sa grupo nga nagpatrolya ug nagpahibalo nga adunay mga wala maatiman ug gibiyaan nga dagkong mga kadudahang karton nga kahon nga gitabonan sa itom nga sako nga tarp sa baybayon sa Barangay Kiambing ning lungsod.
Sa pag-verify sa grupo nadiskubrehan dayon ang napulo (10) ka karton sa mga smuggled nga sigarilyo. Dugang pa, sa pag-usisa sa matag karton nasuta nga ang sulod niini mao ang nagkalain-laing smuggled nga sigarilyo nga nagkantidad og kapin o kulang sa market value nga Php 200,000; 1. Marvels- 347 rims, ug 2. Astro-150 rims. Ang mga nakumpiska nga abandonado nga mga smuggled nga produkto gidala sa Maitum Municipal Police Station alang sa dokumentasyon ug saktong disposisyon ug subject nga i-turn over sa Bureau of Customs.