30 C
Manila
Friday, March 29, 2024

General Santos: Pagpamusil sa usa ka lalaki sa barangay Calumpang kagahapong adlawa, padayon pang gi-imbistigahan sa kapulisan

- Advertisement -

General Santos City-Naglusad na ug makuting imbistigasyon ang Police Station 5 kalabutan sa pagpamusil sa  biktimang si Gerel Mamac Gerebise, 39-anyos, minyo, self-employed ug residente sa Purok 10, Phase 1, Lanton, Barangay Apopong ning siyudad, kansa una nang gipusil sa wala pa mailhing suspek alas 11:00 ang takna kagahapong adlawa sa area sa Purok Emiliana, Barangay Calumpang, Gensan.

Nasayran  nga subay sa inisyal nga  imbestigasyon sa kapulisan, nagmaneho ang biktima sa iyang Yamaha Sniper 150, color combination yellow ug gray nga may plate no. 1201-522499 kung asa gisundan matud pa  kini sa duha ka tawo sakay sa usa ka  Kawasaki Bajaj nga  motorsiklo kolor itom.

Pag-abot sa lugar, gipusil matud pa sa mga suspek ang biktima igo sa ulo niini. Paspas nga misibat ang mga suspek human sa pagpamusil, samtang ang biktima gilayon nga gidala sa ospital apan gideklara kining dead on arrival.

Narekober sa kapulisan gikan sa nahitabuan sa krimen  ang usa ka slug sa wala pa  matinong  kalibre sa armas, motorsiklo sa biktima ug usa ka bag nga may sulod nga wallet nga iyaha sa biktima ug  duha ka unit sa cellphone.

Sa karon, padayon pa ang pag-imbistiga sa kapulisan kung unsay motibo ug kung kinsa  ang nagpaluyo sa maong krimen.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -