General Santos City – Gihatagan na matud pa ug lawom nga imbestigasyon ang lain na usab nga nahitabong pagpamusil sa area of responsibilty sa Police Station 6 o Bula Police Station ala 5:30 sa hapon Hulyo 14,2023 sa Purok 2,Fisherman’s Village ,Barangay Bula ,Gensan. Giila sa ka Pulisan ang biktima nga si Joel Veloso Aponesto, 42 anyos, empleyado sa Barangay South, ug residente sa Purok 2, Fisherman’s Village, Barangay Bula, Gensan.
Sa inisyal nga impormasyon matud pa anaa sa ilang balay ang nasampit diin duha ka mga wala mailhing lalaki nangita biktima ug sa dihang nakita gipusil gilayon kini sa mga suspek hinungdan nakaangkon kini ug samad.
Paspas usab nga misibat ang mga suspek sakay sa usa ka kotse padulong sa wala matinong direksyon samtang ang biktima, daling gidala sa usa ka pribadong hospital sa dakbayan./Rey G.Ombaña