GENERAL SANTOS CITY – Gikalarma sa katawhan ang pag detonate sa Explosive Ordnance Division o EOD team ang bag nga nahibilin sa Bulaong terminal.
Gipaklaro pa ni Raymund Ledesma, Bulaong Terminal Administrator nga dili bomba ang mibuto sa terminal kagahapon, matud pa nga nabilin ang maong bag sa gawas nga bahin ug gituohang adunay EOD hinungdan nga dayong girespondihan sa mga otoridad ug gipabuto.
Tungod sa panghitabo nakurat ang mga pasahero ug gipakatag gilayon sa social media nga adunay bomba nga mibuto.
Nanawagan si Ledesma nga kumpirmahon una ang mga ipost sa social media tungod makahatag kini ug kabalaka sa katawhan. (Fred Degala)