General Santos City – Dungan sa mangilngig nga kamatayon sa 7-anyos nga si Princess Arian, gipaboran sa usa ka konsehal ang pagbalik sa silot nga bitay alang sa mga heinous crime.
Matud ni Konsehal Orlando Odjok Acharon, angayan nga ang silot kamatayon ang ipahamtang sa kinsa man ang mihimo sa pagpanglugos patay sa Grade-1 pupil nga si Arian.
Dugang ni Acharon dili makatao ang pagkutlo ug pagtamas-tamas sa bata nga unta taas pa og pangandoy sa kinabuhi. Ilawom sa balaud sa Pilipinas, wala gitugotan sa nasud ang death penalty isip silot sa krimen. Sa Republic Act no. 9346, o an act prohibiting the imposition of death penalty in the Philippines, ang gipirmahan ni kanhi President Gloria Macapagal-Arroyo atong Hunyo 6, 2006.
Kahibaloan nga death penalty ang silot sa namatud-ang nanglugos kaniadto apan karon gikanaog kini sa reclusion perpetua o tibuok kinabuhi nga pagkabilanggo.
Una nang, migula sa resulta sa autopsy nga gihimo ni Dr. Ricardo Rodaje, medico legal sa National Bureau of Investigation (NBI) Sarangani District brutal ang nahimong kamatayon sa bata.