General Santos City: Nasakmit sa mga personahe sa Malungon Municipal Police Station ang Php 760,000.00 nga balor sa smuggled nga sigarilyo atol sa gipahigayong checkpoint operation sa National Highway, Barangay Malandag, Malungon, Sarangani Province. Atol sa operasyon, ang team nakahimo sa pag-flag down sa usa (1) ka unit nga Isuzu forward truck wing van ug ang drayber nag-switch sa cabin light sa iyang gimaneho nga sakyanan, sa yanong pagtan-aw nakita ang kawhaan (20) ka ream sa gidudahang smuggled nga nagkalain-laing sigarilyo nga gibutang. sa front seat nga bahin sa sakyanan. Sa dihang mihangyo ang grupo nga ipresentar ang mga dokumento sa giingong kontrabando, napakyas ang mga suspek sa pagpresentar. Ang drayber nga giilang si alyas ALJOHN, legal ang edad, ug residente sa Cotabato City daling niikyas ug nilikay sa pagdakop pagpahimulos sa kangitngit samtang ang truck helper nga giilang si alyas “Rom”, 34 anyos, minyo, ug residente sa Purok 3, Poblacion Laak, Davao de Oro nasikop. Gipahigayon ang inisyal nga imbestigasyon ug gibutyag sa katabang nga ang trak gikargahan sa mga smuggled nga sigarilyo ug boluntaryong miabli sa likod nga bahin sa trak diin nadiskubrehan ang laing traynta (30) ka kahon sa nagkadaiyang smuggled nga sigarilyo nga adunay kinatibuk-ang presyo sa merkado nga mokabat sa Php Seven Hundred Sixty Thousand Pesos. (P760,000.00). Dugang pa, ang suspek uban sa mga nakumpiska nga mga ebidensiya gipaubos sa kustodiya sa Malungon MPS alang sa tukmang dokumentasyon ug disposisyon.