Sarangani Province – DILI matukib ang gibating kalipay sa mga opisyal sa Purok Masagana, Brgy. Poblacion, Alabel, Sarangani Province, sa pagpanguna ni Chairman Pabling Dayodon.
Kini human mi-pledge o misaad si Sarangani lone District Congressman STEVE CHIONGBIAN SOLON nga mogahin og P120 milyong budget alang sa usa ka “flood control project” sa nasampit nga dapit.
Gisaad kana sa maong Kongresista atol sa pagbisita niini sa nahisgotang Purok kauban si Sarangani Board Member Irish Arnado atol 44th Foundation Anniversary sa maong Purok.
Sa maong higayon gi-adtoan personal nila Cong. Solon ubos sa giya sa mga opisyales sa naasoy nga Purok ang site sa usa ka konstruksiyon sa tulay sa maong lugar sa maong Kongresista nga mag-konekta unya sa Purok Masagana ug Purok Cogonal padulong pa sa mga Kapurokan sa Brgy. Spring, Alabel.
Misamot pa kabibo ang nasampit nga Anibersaryo dihang mitunol si CONG. SOLON og P30,000 pesos isip dugang pa-premyo sa gipahigayong Inter-Purok Basketball Championship game. (Rem Agdon)