General Santos City – Gipaimbistigahan na ni Police Col. Jomar Alexis Yap, PNP City Director sa GenSan City Police Office ang report nga matud pa adunay usa ka personahe nga na-involved sa hit and run ug nanion pa ug armas sa mga barangay Tanod sa Barangay Baluan niadtong Abril 10, 2023.
Segun pa ni Col. Yap nga human niyang nadawat ang impormasyon, gilayon niyang gimando sa Police Station 3 nga tutukan ang maong kaso ug ilhon kung police ba o dili ang maong suspetsado. Nasayran nga nakuhaan ug plate no. ang NMAX Kolor Gray nga Motorsiklo niini. Ang motor sa suspek may plate no. nga MRA 573, samtang ang nahisgutan anaa sa 40 anyos pataas.
Nasayran nga subay sa sumbong sa pamilya sa biktima ug mga opisyal sa barangay Baluan, nabanggaan sa suspek ang usa ka motorsiklo kung asa driver niini ang nabalian ug tiil, misibat matud pa ang suspek apan pila ka minutos ang nakalabay, nibalik dayon gitiunan ug pusil ang mga barangay Tanod. Didto na kini nagpailang usa ka pulis.
Gibutyag pa ni Col. Yap nga sa karon wala pay kumpirmasyon kung ang suspek lehitibong police o nagpakarong-ingnon lamang. Higayon nga mapamatud-an nga kini pulis, gibutyag sa opisyal nga ila gyud pasakaan ug kasong criminal ug aministratibo aron nga makaamgo sa sayop nga iyang gihimo. Kung sibilyan ang nahisgutan, dili gihapon kini luwas sa kaso tungod patong-patong nga kaso gihapon ang ilang ipasang-at. (Fred Degala)